ისტორია მოგვითხრობს ფან სიანზე, რომელიც სამხრეთ ცინის იმპერიაში დაიბადა და 21-ე საუკუნის მოგონებები და ცოდნა აქვს. იგი ფინანსთა მინისტრის უკანონო შვილია, რომელსაც ბებია ზრდის სოფელ დანჯოუში. მისი დედა იე ცინგმეია, გამოძიებისა და მართვის ბიუროს შემქმნელი, რომელიც ფან სიანის დაბადებიდან მალევე მოკლეს. ფან სიანს დედამისის ბრმა მცველი საბრძოლო ხელოვნების ექსპერტი ვუ ჯუ იცავს და მისგან საბრძოლო ხელოვნებას სწავლობს. მას შემდეგ, რაც დედაქალაქიდან ფან სიანის მოკვლას შეეცდებიან, იგი გადაწყვეტს რომ ძინდოუში ჩავიდეს და გაარკვიოს დედამისის მისტიური ვინაობის და მკვლელობის მცდელობის მიზეზი. ძინდოუში იგი შემთხვევით პრინცესას უკანონო ავადმყოფ ქალიშვილს ლინ ვან'არს შეხვდება და შეუყვარდება. ლინ ვან'არი ფან სიანის მომავალი საცოლეა, რომელიც იმპერატორმა შეარჩია რათა გადაიბაროს სამეფო ხაზინა, ნეიქუ, როემლიც ფან სიანის დედამ შექმნა და რომელსაც ამჟამად პრინცესა განაგებს. თუმცა დედაქალაქში ჩასვლისთანავე იგი იმპერატორის, ორი პრინცის და გამოძიებისა და მართვის ბიუროს ინტრიგებში ეხვევა, რაც მის ვინაობას კითხვის ნიშნის ქვეშ აყენებს და იძულებულს ხდის უარი თქვას მის მთავრ მიზანზე, რომ დატკმეს მეორე ცხოვრებით.